güýç

1) Janly zatlaryň muskullar arkaly fiziki hereketi, täsir etmegi, şonuň ýaly hem, umuman fiziki ýa-da moral taýdan aktiw hereket etmeklige bolan başarjaňlyk, gurp, ukyp.

∙ Pursat tapan mahaly, it gaçjak bolup, bar güýji bilen bir tarapa baka özüni oklady. (A. Gowşudow, Powestler we hekaýalar)

∙ Güýji ýetmez göre galar. (Nakyl)

2) Fiz. Hereketi emele getiriji, dörediji kuwwat, energiýa.

∙ Merkezden daşlaşýan güýç.

3) Bir zat öndürmeklige ýardam berip biljek ähli enjamlar, gurallar, abzallar.

∙ Ahli güýji şu synaga hötde gelmege mobilizlemek gerek. («Sowet Türkmenistan» gazeti)

4) Zarba, bat.

5) Göçme manyda Aň-düşünje, başarjaňlyk.

∙ Akyl güýç berer, güýç hem ýürek. (Nakyl)

Ýazuw düzgüni: Menlik ýöňkemaniň -üm, -ümiz, senlik ýöňkemäniň -üň, -üňiz goşulmalary goşulýar.

Çekimlisi uzyn aýdylýandygy üçin çekimli ses bilen başlanýan goşulma ýa-da -räk goşulmasy goşulanda, dymyk ç çekimsizi açyk j çekimsizine öwrülýär.

Meselem güýç - güýjüm, güýjüň.

◊ gara güýç — Howply güýç, elhenç zat.

◊ güýç goşmak — Güýji artdyrmak, gurplandyrmak.

∙ Ýene bu sözleri ngaýtalap ençe, önküden-de artyk güýç goşup güýje. (N. Pomma, Saýlanan eserler)

◊ güýçden salmak — Güýjüni gaçyrmak, gujurdan düşürmek.